5 May 2007

മാന‍സികവിക്ഷോഭങ്ങളുടെ സൂപ്പര്‍മാര്‍ക്കറ്റ്‌‌‌‌‌‌


















മുഖം മന‍സ്സിന്റെ കണ്ണാടിയാണ്




മനുഷ്യന്റെ മനസ്സ്‌,പെരുമാറ്റം എന്നിവയെ പ്രതിപാദിക്കുന്ന പ്രായോഗികവുമായ വിജ്ഞാന മേഖലയാണ്‌ മനഃശാസ്ത്രം. വ്യക്തിയുടെ ദൈനംദിന ജീവിതപ്രശ്നങ്ങളും മാനസിക അസ്വാസ്ത്യങ്ങളുമുള്‍പ്പെടെ പല മേഖലകളില്‍ മനഃശാസ്ത്രം വിരല്‍ ചൂണ്ടുന്നു. മനുഷ്യന്റെ പ്രകൃതങ്ങളേയും പെരുമാറ്റങ്ങളേയും കൃത്യമായ പഠനത്തിനു വിധേയമാക്കി വിശദീകരിക്കുനതില്‍ മനഃശാസ്ത്രം ഇതര ശാസ്ത്രങ്ങളെക്കാള്‍ വളരെ മുന്നിലാണ്‌. ഏതൊരു ശാഖയേയും പോലെ മനഃശാസ്ത്രത്തിനും,പല‍ ‍വിജ്ഞാന മേഖലകളുമായി കൈകോര്‍‌‍ക്കേണ്ടി വന്നിട്ടുണ്ടെന്നതും,ഒരു വസ്തുതയാണ്‌. ഉദാഹരണത്തിന്‌ മനഃശാസ്ത്രം നാഡീശാസ്ത്രത്തില്‍ നിന്നും ഏറെ ഭിന്നമാണ്‌. പ്രാചീന ഗ്രീക്ക്‌ ഭാഷയിലെ "ആത്മാവ്‌" (soul) എന്നര്‍ത്ഥമുള്ള "സൈക്ക്‌ "(psyche), "പഠനം" എന്നര്‍ത്ഥമുള്ള "ഓളജി"(ology) എന്നീ വാക്കുകളില്‍ നിന്നാണ്‌ സൈക്കോളജി(മനഃശാസ്ത്രം) എന്ന പദമുണ്ടായത്‌.

ഇതത്രെയും മനശാസ്ത്രത്തെപ്പറ്റി ഗ്രന്ധങ്ങളില്‍ പ്രദിപാദിച്ചിരിക്കുന്ന വസ്തുതകള്‍ ആണ്. എന്നാല്‍ ഈ പഠനങ്ങളില്‍ നിന്നും വ്യത്യസ്ഥമായതും എന്നാല്‍ ഇതിനു സമാനമായി പോകുന്നതുമായ,ഒരു പഠനമേഖലയാണ് എന്‍.എല്‍.പി (NLP-Neuro Linguistic Programming).

Dr.A.ഏബ്രഹാം എന്ന വ്യക്തിയെക്കുറിച്ച് ഒരു മുഖവുര





ഡോക്ടര്‍.ഏ.ഏബ്രഹാം, 1948-ല്‍ ജനിച്ചു. അദ്ദേഹം വര്‍ഷങ്ങള്‍ ലെഡനില്‍,പ്രാക്റ്റീസ് ചെയ്തതിനു ശേഷം,ലെ‍ഡന്‍ വിട്ട്,ഭാരതത്തില്‍ എത്തി. ഇന്ത്യകൂടാതെ,പല വിദേശരാജ്യങ്ങളിലും അദ്ദേഹം സഞ്ചരിച്ചിട്ടുണ്ട്. ഈ സഞ്ചാരത്തിനിടെ വൈദ്യശാസ്ത്രത്തിലും, മനശ്ശാസ്ത്രത്തിലും,പ്രഗല്‍ഭരായ മറ്റുപല വ്യക്തികളുമായും അടുത്ത് ഇടപഴകാന്‍ അദ്ദേഹത്തിനു കഴിഞ്ഞു. മറ്റുള്ളവരോടുള്ള തുറന്ന സമീപനവും, സമാധാനപരമായ പെരുമാറ്റവും അദ്ദേഹത്തിന്റെ മുതല്‍ക്കുട്ടായിരുന്നു. മാനസികമായും,ആത്മീയമായും മസുഷ്യന്‍ കടന്നു പൊയ്ക്കൊണ്ടിരിക്കുന്ന പിരിമുറുക്കങ്ങളില്‍ നിന്ന്,അവരെ പൂര്‍ണ്ണമായും എങ്ങനെ ഉയര്‍ത്തെഴുന്നേല്‍പ്പിക്കാം എന്ന ലക്ഷ്യപ്രാപ്തിക്കായി,അദ്ദേഹം തന്റേതായ ഒരു ശൈലി വാര്‍ത്തെടുത്തിരിക്കുന്നു. കേരളത്തില്‍ തിരിച്ചെത്തിയ അദ്ദേഹം തന്റെ തൊഴിലധിഷ്ടിത പഠനങ്ങള്‍ക്കും, പ്രവര്‍ത്തനങ്ങള്‍ക്കുമായി, തിരുവനന്തപുത്തു താമസമാക്കി, NLPയും‍‍ മനശാസ്ത്രപഠനവും തുടര്‍ന്നു. ഒരു സര്‍ട്ടിഫൈഡ് NLP പ്രാക്റ്റീഷണര്‍ ആണ് അദ്ദേഹം.




















Dr.ഏബ്രഹാമിന്റെ കാഴ്ച്ചപ്പാട്












കേരളത്തില്‍,സ്കൂളുകളിളിലും, കോളേജുകളിലും,ഉന്നതമായ പല സ്ഥലങ്ങളിലായിയും, ക്ലാസ്സുകള്‍ സംഘടിപ്പിക്കുകയും,പഴയതെങ്കിലും,കേരളത്തില്‍ പുതുതായി പ്രാചാരത്തില്‍ വന്നു കൊണ്ടിരിക്കുന്നതുമായ, ഈ പുതിയ മാനസിക സമീപനത്തെപ്പറ്റി, അദ്ദേഹം കൂടുതല്‍ പ്രചരിപ്പിക്കുകയുണ്ടായി.ദുബായ്, ഒമാന്‍,എന്നിങ്ങനെ പല ഗള്‍ഫ് നാടുകളില്‍,ആഴ്ച്ചകള്‍ നീണ്ടുനില്‍ക്കുന്ന,ക്ലാസ്സുകള്‍,വിദ്യാര്‍ഥികള്‍ക്കും, ഉദ്യോഗസ്ഥര്‍ക്കും വേണ്ടി,Dr.ഏബ്രഹാം നടത്തിയിട്ടുണ്ട്. അദ്ദേഹത്തിന്റെ കാഴ്ച്ചപ്പാടില്‍ ഇന്നത്തെ പിരിമുറുക്കങ്ങള്‍ ഓഫ്ഫിസുകളില്‍ ജോലി ചെയ്യുന്ന, പ്രവാസികളായവരില്‍ കൂടുതലായി കണ്ടുവരുന്നു. നാട്ടില്‍ നിന്ന് ബന്ധപ്പെട്ടവരെയും സ്വന്തക്കാരെയും വിട്ടകന്നാണ് പലരും ജീവിക്കുന്നത്. ഈ ഒരു വസ്തുതന്നെ മാനസികമായി വളരെ നമ്മെ തളര്‍ത്തുന്നു,കൂടെ ആവശ്യങ്ങളുടെയും ഉത്തരവാദിത്വങ്ങളുടെയും ഒരു നീണ്ട പട്ടികതന്നെയുണ്ടാവാം. ഇതിന്റെ പരിണിത ഫലമാണ്, പ്രായത്തിനതിതമായി നാം അനുഭവിക്കുന്ന, ശാരീരിക അസ്വാസ്ത്യങ്ങളും, അസുഖങ്ങളും. ഗര്‍ഫ് ജീവിതരീതികളെയും, ചൂടും കാറ്റും പൊടിയും, A/C,യുടെ പേരിലും‍ പഴിചാരുമ്പോള്‍,നാം നമ്മോടു തന്നെ ചെയ്യുന്ന മാനസിക ദുഷ്ടതകള്‍ നമ്മള്‍ അറിയുന്നില്ല . ഇതു പറഞ്ഞു മന‍സ്സിലാക്കിത്തരുന്ന ഒരു സാധരണ പ്രകൃയയാണ് ഡോക്ടറുടെ ശൈലി. “പ്രശ്നങ്ങളെ അഭിമുഖീകരിക്കാനുള്ള കഴിവ്, നിങ്ങളുടേ ഉള്ളില്‍ത്തന്നെയുണ്ട്”,NPL എന്ന പഠനത്തിലൂടെ , കഴിവതും ആള്‍‍ക്കാര്‍ക്ക് ഈ തത്വം ‍മനസ്സിലാക്കിക്കൊടുക്കുക,എന്നതായിരുന്നു അദ്ദേഹത്തിനെ ആദര്‍ശവും ജീവിതലക്ഷ്യവും .

എന്താണ് NLP?
മാനസികപിരിമുറുക്കങ്ങളുടെ പറുദീസയാണ് ഇന്ന് മനുഷ്യമനസ്സുകള്‍. ജോലിയില്‍,വീടുകളില്‍,പഠന വിഷയങ്ങളില്‍,ഒരു വിധത്തില്‍ അല്ലെങ്കില്‍ മറ്റൊരു വിധത്തില്‍ മനുഷന്‍ പിരിമുറുക്കങ്ങള്‍ക്ക് അടിമയാണ്. ഈ പിരിമുറുക്കങ്ങളുടെ അനന്തരഫലമായിട്ടാണ് ന‍മ്മുടെ ശരീരം, പലതരം രോഗങ്ങള്‍ക്ക് അടിമപ്പെടുന്നത്. എന്നാല്‍ ഈ പിരിമുറുക്കങ്ങള്‍ക്കു കാരണം ചിട്ടയില്ലാത്ത നമ്മുടെ ജീവിതരീതികളും, മന‍സ്സിനും ശരീരത്തിനും നമ്മള്‍ നല്‍കാത്ത വിശ്രമത്തിന്റെ അനന്തരഫലങ്ങളാണ് എന്ന് നാം മനസ്സിലാക്കുമ്പോഴേക്കും‍,സമയം അതിക്രമിച്ചിരിക്കും. നിങ്ങളാരായിരുന്നാലും,വിദ്യാര്‍ദ്ഥിയോ, വീട്ടമ്മയോ, സഥാനമാനങ്ങളുള്ള ഒരു എക്സിക്യൂട്ടീവോ ആയിക്കൊള്ളട്ടെ,മാനസികമായി നിങ്ങള്‍ അസ്വസ്ഥനായിരിക്കാം. അതു മന‍സ്സിലാക്കുകയും,നിങ്ങളുടെ ആന്തരികമയി കഴിവുകളെ വികസിപ്പിക്കാനും, അതിനു നിങ്ങള്‍ തന്നെ പരിഹാരങ്ങള്‍ കണ്ടുപ്ടിക്കാനും,ഉതകുന്ന രീതികളും പ്രഭാഷണങ്ങള്‍ ഉള്‍ക്കോള്ളിച്ചുകൊണ്ടുള്ള ഒരു പഠനരീതിയാണ് NLP. നമ്മുടെ അനുഭവങ്ങള്‍, അതു നമ്മുടെ നാഡിവ്യൂഹത്തിലൂടെ സ്വീകരിച്ചു,അതു നമ്മുടെ പഞ്ചേന്ദ്രിയങ്ങളിലൂടെ (കാണുക,കേള്‍ക്കുക,സ്പര്‍ശിക്കുക, മണക്കുക,രുചിക്കുക‍) കടന്നു പൊയി, നമ്മുടെ മസ്തിഷ്ക്കം മന‍സ്സിലാക്കുകയും ചെയ്യുന്ന രീതിയാണ്, ആശയവിനിമ്യമായി,നമ്മുടെ ശരീരത്തില്‍ സംഭവിക്കുന്നത്. എന്നാല്‍ ഭാഷാ ശാസ്തഞന്‍മാര്‍ ഇതിനെ ഒരു സമാനമായ രീതിയില്‍ സാധാരണ ഭാഷയായി വിവര്‍ത്തനം ചെയ്യുന്നു. നമ്മുടെ നാഡീവ്യൂഹത്തിലൂടെ,കിട്ടുന്നു വിവരങ്ങളേയും, വിവരണങ്ങളെയും, നമ്മുക്ക് ഏറ്റവും പ്രയോജനപ്രദമായ രീതിയില്‍ പരുവപ്പെടുത്തിയെടുക്കും എന്നതാണ് NLP ചെയ്യുന്നത്. നമ്മുടെ പ്രതികരണസ്വഭാവത്തെ എറ്റവും പ്രവര്‍ത്തികമായ രീതിയില്‍ വാര്‍ത്തെടുക്കുക എന്ന തത്വം ആണ് നാം ഡോക്ടറുടെ ക്ലാസ്സുകളിലൂടെ മനസ്സിലാക്കുന്നത്.
















എങ്ങിനെയാണ് NLP നമ്മുക്ക് പ്രയോജനപ്പെടുന്നത്?








ഡോ.ഏബ്രഹാം സ്വന്തമായി രൂപപ്പെടുത്തിയെടുത്ത ക്രമാനുസൃതമായ,രീതിയാണ് ഇവിടെ അദ്ദേഹം പഠിപ്പിക്കുന്നത്. NLP പോലെയുള്ള പല മനശാസ്ത്ര പഠനങ്ങളെ ആസ്പദമാക്കി, ആശയാധിഷ്ടിതമായ ഒരു രീതിയാണ്,ഡോക്ടര്‍, വികസിപ്പിച്ചെടുത്തിരിക്കുന്നത്. "Better You" ഇതാണ് ഈ പാഠ്യപദ്ധതിയുടെ പേര്. നമ്മുടെ മനസ്സിനെ കൂടുതല്‍ മനസ്സിലാക്കുകയും, അതു വഴി , ശക്തമായ ചില ഏടുകള്‍ തിര‍ഞ്ഞുപിടിക്കുകയും, എന്നാല്‍ ബലഹീനമായ പല സ്വഭാവരീതികളെയും ത്വരിതപ്പെടുത്തുകയും ചെയ്യുന്നു.‍നമ്മുടെ ഉള്ളിലുള്ള സ്വന്തം കഴിവുകളെത്തന്നെ വ്യക്തിപരമായ ആശയവിനിമയത്തിനായി ഊര്‍ജ്ജസ്വലീകരിക്കുക.സ്വന്തം മന‍സ്സിലും , മറ്റുള്ളവരുടെ മനസ്സിലും നടക്കുന്ന ചിന്തകളെക്കുറിച്ച് നിങ്ങള്‍ മന‍സ്സിലാക്കാന്‍ മിനക്കെടാറുണ്ടോ? ഇല്ലെങ്കില്‍ അങ്ങനെയുള്ള ഒരവസ്ഥയില്‍ നിങ്ങളുടെ മനസ്സില്‍ അന്തര്‍മുഖിയായിട്ടിരിക്കുന്ന ശക്തികളെ ഉപയോഗിച്ച്, നിങ്ങള്‍ക്കു തന്നെ ഒരു ‘positive' ഊര്‍ജ്ജം ഉലല്‍പ്പാദിപ്പിക്കാന്‍ സാധിക്കുന്നു. നിങ്ങളുടെ മനസ്സ് നിങ്ങള്‍ക്കു വേണ്ടി മാത്രം പ്രവര്‍ത്തിക്കുന്നു.
























'Better You' ജീവിതത്തില്‍ പ്രായോഗികമാക്കുന്നതിലൂടെ നമ്മളെക്കുറിച്ച് മറ്റുള്ളവരുടെ ചിന്താഗതി എങ്ങനെ വ്യത്യസ്ഥമാകും?








ആശയവിനിമയം, പ്രത്യേകിച്ച് വ്യക്തമായതും സ്പഷ്ടമായതുമായ സംസാരം, ബുന്ധിയുള്ളതും, പറയുന്ന വിഷയത്തില്‍ പ്രാവിണ്യം ഉള്ളതുമായിട്ടുള്ള ആളാണ് എന്ന തോന്നല്‍, കേള്‍വിക്കാരനില്‍ തോന്നിപ്പിക്കുന്നു. ഇതു പോലെ വിശദമായ ഒരു ആശയവിനിമയം ഇന്നു നമ്മുടെയില്‍ ഇല്ല എന്നു തന്നെ പറയാം.
















കുടുംബബന്ധങ്ങളെ കെട്ടുറപ്പുള്ളതാക്കാന്‍ എത്രമാത്രം ഈ പഠനങ്ങള്‍‍ ഉപകരിക്കും?




ആശയവിനിമയത്തിന്റെ വാതില്‍ നാം തുറക്കുമ്പോള്‍,രക്ഷിതാക്കള്‍ക്കു,മക്കളെയും, അവര്‍ക്കു തിരിച്ചും, മനസ്സിലാക്കനുള്ള ഒരു അവസരമാണ്. രക്ഷിതാക്കളുടെ നിലയില്‍ നിന്നിറങ്ങി, മക്കളോട്, അവരുടെ കൂട്ടുകാരുടെ നിലയില്‍ പെരുമാറിയാല്‍, പല സംഗതികളും തുറന്നു സംസാരിക്കാന്‍, മക്കള്‍ മുന്‍കൈ എടുക്കുന്നു. പഴയകാലം പോയി എന്നു തന്നെ പറയാം. പല തരത്തിലുള്ള ആള്‍ക്കാരെയും സംഭവങ്ങളും വിദ്യര്‍ഥികളായ,അവരുടെ മുന്നില്‍ക്കൂടി കടന്നു പോകുന്നു, അതു വേര്‍തിരിച്ച‍രിച്ചറിയാനും, മനസ്സിലാക്കാനുമുള്ള കഴിവ് മാതാപിതാക്കളില്‍ നിന്നാണ് കിട്ടേണ്ടത്.




























തൊഴില്‍പരമായ മേഘലകളില്‍ ശേഭിക്കാ‍ന്‍‍ ഈ പഠനങ്ങള്‍ എത്രമാത്രം സഹായിക്കും?








തൊഴില്‍ മേഘലയില്‍ തന്റെ ലക്ഷയങ്ങള്‍ എന്തൊക്കെയാണെന്ന് തീരുമാനിക്കനുള്ള ഒരു സന്തുലിതമായ മാനസികാവസ്ഥ ഉണ്ടാകുന്നു. പെരുമാറ്റത്തിലുള്ള സൌമ്യതയും, കാര്യക്ഷമമായുള്ള തീരുമനങ്ങള്‍ എടുക്കാനുള്ള ഏകാഗ്രമായ മനസ്സിനെ വാര്‍ത്തെടുക്കുവാനും നമ്മുക്ക് സാധിക്കുന്നു. പ്രശ്നങ്ങളെ അഭിമുഖീകരിക്കുമ്പോള്‍ ‍മാനസിക സംഘര്‍ഷങ്ങള്‍ക്ക് അടിമപ്പെടാതെ, കുശാഗ്രബുദ്ധിയോടുകൂടിയും സമാധാനപരമായ ഒരു മാനസികാവഥയില്‍ കര്യങ്ങള്‍ തീരുമാനിക്കനുള്ള,കഴിവ് നമ്മളിള്‍‍ ഉണ്ടാകുന്നു. മറ്റുള്ള സഹപ്രവര്‍ത്തകരെ പഠിക്കാനും മനസ്സിലാക്കനും ഉള്ള ഒരു കൂര്‍മ്മബുദ്ധി ഉണ്ടാകുന്നു.
























മറ്റുള്ള 'positive mind-study'കളില്‍ നിന്ന് ഇത് എത്രമാത്രം വ്യത്യസ്ഥമാണ്?








ഇവിടെയുള്ള പഠനരീതികളില്‍ കൂടുതലും ആശയവിനികയത്തില്‍ അധിഷ്ടിതമാണ്. സന്തുലിതമായ മാത്രുകാനുസൃതമായ ഒരു മനസ്സിനു മാത്രമേ ഫലവത്തായ ഒരു ആശയനിനിമയം നടത്താന്‍ സാധിക്കയുള്ളു. ഗുണകരമായ ചിന്താഗതികള്‍ ഉണ്ടാക്കുന്ന ഒരു മാനസികാവസ്ഥ ഉണ്ടാക്കിയെടുക്കുക എന്നതാണ് ഡോക്ടരുടെ പഠനത്തിന്റെ അടിസ്ഥാനം. “ Better You" എന്ന പ്രോഗ്രമിലൂടെ‍ Dr.ഏബ്രഹാം നമ്മുടെ മനസ്സിനെയും അതിന്റെ ചിന്താഗതിയെയും ആണ് ക്രമീകരിക്കുന്നത്. നമ്മുടെ തന്നെ മനസ്സില്‍,നാം മന‍സ്സിലാക്കതെ കിടക്കുന്ന ഒരു “നമ്മെ”ത്തന്നെ മന‍സ്സിലാക്കാന്‍ ഇത് ഉപകരിക്കുന്നു.




























"Better You" പ്രോഗ്രം തിരുവനവന്തപുരത്ത്








ജൂണ്‍ രണ്ടാം വാരത്തില്‍,തിരുവന്തപുരത്ത്,രണ്ടുദിവസത്തെ ക്ലസ്സുകള്‍,ഡോക്ടര്‍ സംഘടിപ്പിക്കാന്‍ ഉദ്ദേശിക്കുന്നു. താല്പര്യം ഉള്ളവര്‍ ഡോക്ടറെ നേരിട്ടോ,ഇമെയില്‍ വഴിയോ ബന്ധപ്പെടാവുന്നതാണ്. കൂടാ‍തെ ഓഫ്ഫീസുകളിലും, കോളേജുകളിലും, താത്പര്യമുള്ളവര്‍ക്ക്, 'workshop on NLP' നടത്തുന്നതിനും ഡോക്ടറുമായി ‍ബന്ധപ്പെട്വുന്നതാണ്. ഡോക്ടറുടെ ഓര്‍ക്കുട്ട് പേജുകള്‍ വഴി ,അദ്ദേഹത്തോട് സംസാരിക്കവുന്നതാണ്.




13 comments:

Sapna Anu B.George said...

മനസ്സെന്ന സൂപ്പര്‍മാര്‍ക്കെറ്റിനെപ്പറ്റി എഴുതാനുള്ള ശ്രമം!!! എത്രകണ്ട പ്രയോജപ്രദമായി,എന്നു വ്യക്തമായി അറിയില്ല?‍എങ്കിലും അഭിപ്രായ‍ങ്ങള്‍ ദയവായി അറിയിക്കൂ.

padmanabhan namboodiri said...

തികച്ചും പ്രയോജന കരമാണു ഇത്തരം ലേഖനങ്ങള്.വാസ്തവത്തില് ചില ചെറു കുറിപ്പുകള് വായിക്കുമ്പോള് വലിയ മാറ്റങ്ങള് അവ നമ്മിലുണ്ടാക്കും.മനസ്സെന്ന സൂപ്പര്‍മാര്‍ക്കെറ്റിനെപ്പറ്റി സപ്ന എഴുതിയ ഈ കുറിപ്പ് വെറു തെ വായിച്ചു പോകാനുള്ള ഒന്നല്ല, അതിനു പ്രയോജനക്ഷമതയുണ്ട്.ഡോ. എബ്രഹാമിനെ ഓര്‍ക്കുട്ടിലൂടെ ബന്ധപ്പെടാമെന്നും സപ്ന പറയുന്നു. വളരെ നല്ല ഇന്ഫര്‍മേഷന്.

SUNISH THOMAS said...

വിജ്ഞാനപ്രദം. ഉപകാരപ്രദം. അഭിനന്ദനകരം. നന്നായി.

മഴത്തുള്ളി said...

സപ്ന, തികച്ചും ഉപകാരപ്രദമായിരുന്നു ഈ ലേഖനം. വളരെക്കാര്യങ്ങള്‍ മനസിലാക്കാന്‍ പറ്റിയതോടൊപ്പം തന്നെ ഓര്‍ക്കുട്ടില്‍ പോയി ഡോക്ടറുമായി പരിചയപ്പെടാനും ശ്രമിക്കുന്നു.

ഏറനാടന്‍ said...

വിക്‌ജാനപ്രദമായത്‌. മനസ്സിന്റെ വ്യാപാരം ചെക്ക്‌ പോസ്‌റ്റുകളില്ലാത്ത അതിരുകളില്ലാത്ത കാവല്‍ക്കാരനില്ലാത്ത ലെവല്‍ ക്രോസ്സ്‌ പോലെയൊക്കെയാണെന്ന ഊഹത്തിന്‌ സാധൂകരണം ഉണ്ടാക്കുവാന്‍ സ്വപ്‌നാജിയുടെ ലേഖനം സഹായിച്ചു.

അനാഗതശ്മശ്രു said...

സ്വപ്നയുടെ സംരംഭം വളരെ ഉപകാര പ്രദം
ഇനിയും ഇത്തരം പോസ്റ്റുകള്‍ പ്രതീക്ഷിക്കുന്നു

സു | Su said...

വളരെ നല്ല ലേഖനം. നന്ദി. ഇനിയും ഇത്തരം ലേഖനങ്ങള്‍, ബ്ലോഗിലൂടെ കാണാന്‍ പറ്റുമെന്ന് വിശ്വസിക്കുന്നു.

കണ്ണൂരാന്‍ - KANNURAN said...

സംഘര്‍ഷഭരിതമായ ഈ കാലത്ത് ഇത്തരം ലേഖനങ്ങള്‍ വളരെയധികം പ്രയോജനപ്രദമാണ്. ഇനിയും എഴുതുക...

വല്യമ്മായി said...

ഈ രീതിയിലുള്ള ഒരുപാട് പരസ്യങ്ങള്‍ കണ്ടിട്ടുണ്ടെങ്കിലും വിശദമായി വായിക്കുന്നത് ആദ്യമാണ്.നന്ദി സപ്നേച്ചി

Sreejith K. said...

നല്ല ലേഖനം. നന്ദി സപ്നേച്ചീ.

Anonymous said...

സ്വപ്നയുടെ ലേഖനം ഉചിതമായി.
പിരിമുറുക്കങ്ങള്‍ മനുഷ്യമനസ്സിന്റെ താളം തെറ്റിപ്പിയ്ക്കുന്ന ഇക്കാലത്ത്,
സ്വന്തം മനസ്സിന്റെ വാതായനങ്ങള്‍ തുറന്ന്..
പകല്‍ വെട്ടത്തില്‍ എല്ലാം നോക്കിക്കാണാനും
സ്വയം തിരിച്ചറിയുവാനും അവനു കഴിയാതെ വരുന്നു എന്നത് ഒരു യാഥാര്‍ത്ഥ്യം തന്നെയാണ്.
അവനാവശ്യം തന്റെ മനസ്സിന്റെ മണിപ്പൂട്ടു തുറക്കാനുള്ള ഒരു മാന്ത്രികത്താക്കോല്‍...
അതിനു സഹായകമാകുന്ന പല ഉപാധികളും ഇന്നു നിലവിലുണ്ട്..
അതിലൊന്നാണു എന്‍.എല്‍.പി.
ഏറ്റവും പ്രധാനം മനസ്സ് തുറക്കല്‍ തന്നെയാണ്..
സ്വപ്ന പറയുന്നതുപോലെ, ‘മനസ്സിന്റെ ശക്തി നിങ്ങളുടെ ഉള്ളീല്‍തന്നെ’..
സ്വന്തം മനസ്സു തുറക്കുക..
അതിലേക്കു കാറ്റും വെട്ടവും കയറ്റുക..
ആ വെട്ടത്തില്‍ എല്ലാം നോക്കിക്കാണുക...
തന്നെപ്പറ്റി ഒരി പുതിയ കണ്ടെത്തല്‍...
പുതിയ തിരിച്ചറിവ്..
ഒരു പുതിയ ഉണര്‍വ്വ് അതു നിങ്ങളിലുണ്ടാക്കും..
വേദങ്ങളും ഉപദേശിച്ചത് അതാണല്ലൊ..
‘നീ നിന്നെയറിയൂ’.....

Sapna Anu B.George said...

പിരിമുറുക്കങ്ങള്‍ നമ്മുക്കുണ്ട് എന്ന് പലപ്പോഴും നമ്മള്‍ തന്നെ മനസ്സിലാക്കാറില്ല, അഥവാ മനസ്സിലായാലും സമ്മതിച്ചു തരാനുള്ള മടി.ഒരു മാനസികരോഗം എന്നാണ് വിചാരം! എന്നാല്‍ സ്വാന്തമായിത്തന്നെ ഉന്മേഷം കണ്ടെത്തിയാല്‍ അതു, നമ്മുക്കും, ആരോഗ്യത്തിനും നല്ലത് എന്നതാണ് വാസ്തവം. തിരുവനന്തപുരത്ത് ജൂണ്‍ 2 ആഴ്ചയില്‍ ഒരു ‘workshop' നടത്തുന്നുണ്ട് Dr.ഏബ്രഹാം.അന്വേഷിക്കനുള്ള എല്ലാം തന്നെ ഈ ബ്ലോഗില്‍ കൊടുത്തുട്ടുണ്ട്.

Vempally|വെമ്പള്ളി said...

നല്ല ലേഖനം. പക്ഷേ പിരി മൊത്തമായിട്ട് ഇളകി കിടക്കുന്നവര്‍ക്കു എങ്ങനാണു മുറുക്കങ്ങളുണ്ടാവുക? (ഹും, എന്നും ഇങ്ങനെ തമാശ ഒക്കെ പറഞ്ഞ് കൂളായിട്ടു ടെന്‍ഷനില്ലാതെ ജീവിക്കാന്‍ കഴിഞ്ഞെങ്കില്‍)